Related Posts
Category : Sports
IND vs SA Pitch Report: બેટીંગ કે બોલીંગ કેવી રહેશે ઇડન ગાર્ડનની પીચ ? જાણો
ICC ODI વર્લ્ડ કપ 2023માં જીતના સિલસિલાને આગળ ધપાવતા ટીમ ઈન્ડિયાનો આગામી મેચ દક્ષિણ આફ્રિકા સાથે રમવાની છે. બંને ટીમો વચ્ચેની આ મેચ 5 નવેમ્બરે કોલકાતાના ઈડન ગાર્ડન્સમાં રમાશે. ભારત અને દક્ષિણ આફ્રિકા બંને ટીમો ટૂર્નામેન્ટમાં શાનદાર પ્રદર્શન કરી રહી છે. ભારતીય ટીમે સતત 7 મેચ જીતીને સત્તાવાર રીતે સેમિફાઇનલમાં પોતાનું સ્થાન નિશ્ચિત કરી લીધું છે. તે જ સમયે, દક્ષિણ આફ્રિકાની ટીમ પણ 7 માંથી 6 મેચ જીતીને જીતનો સિલસિલો જાળવવા ઇચ્છશે. આફ્રિકા સામેની મેચ હાઇવોલ્ટેજ રહેશે તેમા નવાઇ નથી કારણ કે બંને ટીમ ફુલ ફોર્મમા છે.
જો કે ભારતીય ટીમ માટે હવે સાઉથ આફ્રિકાનો સૌથી મજબૂત પડકાર છે. સાથે જ ટીમ ઈન્ડિયા માટે દક્ષિણ આફ્રિકા સાથે સ્પર્ધા કરવી આસાન નહીં હોય. આવી સ્થિતિમાં, ચાલો જાણીએ કે આ મેચ માટે ઈડન ગાર્ડન્સની પિચ કેવી રહેશે.
ભારત અને દક્ષિણ આફ્રિકાની ટીમો કોલકાતાના ઈડન ગાર્ડન્સ મેદાનમાં રમશે. ઈડન ગાર્ડન્સની પીચ બેટ્સમેનો માટે મદદરૂપ માનવામાં આવે છે. પિચ પર સારા ઉછાળાને કારણે બેટ્સમેન માટે શોટ રમવાનું સરળ બની જાય છે. જોકે, ઝડપી બોલરો પણ નવા બોલથી શરૂઆતમાં પોતાની તાકાત બતાવે છે. જ્યારે બીજી ઇનિંગમાં સ્પિન બોલરોની ભૂમિકા ખૂબ જ મહત્વપૂર્ણ બની જાય છે.
ICC ODI વર્લ્ડ કપ 2023માં ઈડન ગાર્ડન્સ ખાતે બે મેચ રમાઈ છે. ઘણીવાર જોવામાં આવ્યું છે કે આ મેદાન પર હાઈ સ્કોરિંગ મેચો થાય છે પરંતુ છેલ્લી બે મેચમાં આવું કંઈ જોવા મળ્યું નથી.
આવી સ્થિતિમાં બેટિંગ માટે યોગ્ય ગણાતી આ પીચ પર ટોસ જીત્યા બાદ પ્રથમ બેટિંગ કરવાનો નિર્ણય ફાયદાકારક સાબિત થઈ શકે છે. આ મેદાનના આંકડા પણ પ્રથમ બેટિંગ કરનાર તરફ ઈશારો કરે છે. ઈડન ગાર્ડન્સ મેદાન પર અત્યાર સુધીમાં કુલ 37 ODI મેચ રમાઈ છે. આ સમયગાળા દરમિયાન પ્રથમ બેટિંગ કરનારી ટીમે 21 મેચમાં જીત મેળવી છે. માત્ર 15 વખત ટાર્ગેટનો પીછો કરનાર ટીમને સફળતા મળી છે.
આ મેદાનના સરેરાશ સ્કોર વિશે વાત કરીએ તો પ્રથમ દાવમાં 240 રન જ્યારે બીજી ઇનિંગમાં 201 રન થયા હતા. ઈડન ગાર્ડન્સના મેદાન પર સૌથી મોટો સ્કોર 404 રન છે અને તે ભારતે શ્રીલંકા સામે બનાવ્યો હતો.
Load more
